Gəncədə köşk yandı - xəsarət alan var

Gəncə şəhərində ümumi sahəsi 3 m² olan taxta konstruksiyalardan ibarət köşk və içərisində həcmi 5 litr olan məişət qaz balonunun başlıq hissəsindən sızan qaz yanıb.

FHN-nin mətbuat xidmətindən Avtosfer.az-a bildirilib ki, yanğın zamanı 1 nəfər yanıq xəsarəti alıb. Ətraf ərazilər yanğından mühafizə olunub.

Yanğın yanğından mühafizə bölmələri tərəfindən söndürülüb.