Hərbçilərin avtomobili partladıldı: azı 12 nəfər ölüb

Somalidə terrorçuların hökumət qüvvələrinə məxsus avtomobili partlatması nəticəsində azı 12 nəfər ölüb.

Bu barədə Garowe nəşri məlumat yayıb.

"Somalinin cənubunda, yol kənarında hökumət qüvvələrinin pikapını hədəf alan partlayış nəticəsində azı 12 nəfər həlak olub, 9 nəfər yaralanıb", - deyə məlumatda bildirilir.

Qeyd olunur ki, hücuma görə məsuliyyəti “Əl-Şəbab” qruplaşması üzərinə götürüb.