İt sahibini güllələyib ağır yaraladı 

ABŞ sakini Cerald Kirkvud çarpayıda odlu silahla yatarkən iti yerindən sıçrayıb və silaha toxunması nəticəsində  təsadüfən atəş açılıb və o, ağır yaralanıb.

Avtosfer.az xəbər verir ki, hadisə barədə Cerald Kirkvud Memfis polisinə məlumat verib. 

O deyib ki, hadisə bir qadınla çarpayıda odlu silahla yatarkən baş verib. Güllə kişinin yuxarı sol bud nahiyəsinə dəyib. Yaralı Kirkvud ağır vəziyyətdə xəstəxanaya aparılıb.

Kirkvud ev heyvanı tərəfindən vurulan yeganə insan deyil. Ayova ştatının Fort Dodge sakini Riçard Ramsey 2018-ci ildə pitbulla oynayarkən belinə sıxdığı silahla ayağından yaralanıb.

2019-cu ildə Luiziana Dövlət Universitetinin keçmiş futbolçusu Met Branç Missisipidə ov səfəri zamanı iti tərəfindən ayağından güllə yarası alıb. Nəticədə onun ayağı amputasiya edilib "Ölkə.az".