Kompleksin həyətini su şüşələriylə zibilləyə çevirən sürücü - 99-KO-561 - VİDEO

Paytaxtın Suraxanı rayonu, Hövsan qəsəbəsində yerləşən “MİDA 2” Yaşayış Kompleksində xoşagəlməz mənzərə qeydə alınıb.

Avtosfer.az-ın məlumatına görə, sakinlərdən biri görüntünü videoya çəkərək sosial şəbəkə hesabında paylaşıb. O, bildirib ki, 99-KO-561 dövlət nömrə nişanlı “Mercedes” markalı sərnişin  avtobusunun sürücüsü yaşayış kompleksinin yaşıllıq ərazisini zibilləyib. Belə ki, o, avtobusun içini təmizləyən zaman istifadə olunmuş su şüşələrini kütləvi şəkildə çəmənliyə tullayıb. Şikayətçinin iddiasına əsasən, ərazidən 15 metr məsafədə zibil konteynerlərinin olmasına baxmayaraq sürücü dəfələrlə eyni əməli törədib. 

Qeyd edək ki, ətraf mühiti çirkləndirən şəxslərə İnzibati Xətalar Məcəlləsi üzrə cərimələr tətbiq olunur.

Nərmin