Malikanədən 13 milyon dollarlıq oğurluq edilib - FOTO

Böyük Britaniyanın paytaxtı Londonda malikanəyə daxil olan oğru 10.4 milyon funt sterlinq (təxminən 13 milyon dollar - red.) dəyərində zinət əşyaları oğurlayıb.

Avtosfer.az Oxu.az-a istinadən xəbər verir ki, cinayətkarın təkbaşına hərəkət etdiyi qeyd edilir. Ev sahibləri evdə olmadığı müddətdə malikanəyə daxil olaraq zümrüdlü qızıl bilərzik, brilyant və sapfirli üzüklər, brilyant sırğalar, həmçinin brilyant, sapfir, qızıl və platindən hazırlanmış çoxlu boyunbağı oğurlayıb. Bundan əlavə, oğru 150 min funt sterlinq (təxminən 188 min dollar - red.) dəyərində olan "Hermes" çantasını oğurlayıb.

İtmiş zinət əşyalarının sahibləri oğrunun tapılmasına kömək edə biləcək hər kəsə yarım milyon funt sterlinq (627 min dollar - red.) və tapılan hər bir əşyanın dəyərinin 10%-ni verməyə hazırdırlar.