Məhkəmədə zərərçəkən təqsirləndirilən şəxsi ağır formada təhqir etdi - 186 minlik cinayət işi

Bakı Ağır Cinayətlər Məhkəməsində hakim Fərid Namazovun sədrliyi ilə Cinayət Məcəlləsinin 178.3.2-ci (dələduzluq-külli miqdarda törədildikdə) maddəsi ilə təqsirləndirilən Məmməd Ağakişiyevin məhkəmə prosesinin növbəti  iclası keçirilib. 

Avtosfer.az-ın "Unikal"a istinadən məlumatına görə, təqsirləndirilən şəxsin vəkili Namik müəllimin vəsatəti əsasında əlavə şahid qismində İmran Əliyev dindirilib. O bildirib ki, 02.08.2023-cü il tarixdə Məmməd Ağakişiyevin yanına Kürdəxanı bələdiyyəsinə gedib və onu götürərək ata-baba yurdunun yerini göstərib ki, sənədləşdirsin. 

Zərərçəkənlər isə şahidin həmin gün Məmməd Ağakişiyev ilə bir yerdə olması barədə rəsmi görüntü  tələb ediblər. 

Digər ifadə verəcək Şükür adlı şahid Moskvada olduğundan onun məhkəmədə dindirilməsi mümkün olmayıb. 

Zərərçəkənlər şahid İmran Əliyev barədə düzgün ifadə vermədiyi üçün cinayət işinin başlanmasını istəyiblər. Məhkəmə isə vəsatətə baxılmasını sənədlərin tədqiqi mərhələsinə kimi baxılmamış saxlanılması barədə qərar çıxarıb.

Zərərçəkən şəxs, özünü qazın kimi təqdim edən Rauf Dadaşov məhkəməyə cinayət işinə aid olan disk təqdim edib və baxılmasını xahiş edib. Hakim Fərid Namazov zərərçəkənlərin vəsatətini təqdim edib. 

Qeyd edək ki, diskdəki səsdə Rauf Dadaşovun Kürdəxanı kəndindən olan bir şəxslə arasında olan telefon danışığı olub. Səs yazısında Rauf Dadaşov təqsirləndirilən Məmməd Ağakişiyevi ağır formada təhqir edərək onu pul ilə yalançı şahidlər tutmaqda günahlandırıb. Hətta hakim korpusu digər disklərə məhkəmə zalında  baxmaqdan imtina ediblər. 

Təqsirləndirilən şəxsin vəkili Namiq müəllim hakimə vəsatət verib və vəsatətini məhkəmədə elan edib: "2023-cü ilin 24 oktyabr tarixində cinayət işi başlanıb və Məmməd Ağakişiyevə  axtarış veriblər. 7 gün isə  ərzində də saxlayıblar. Halbuki Məmməd Ağakişiyev  həmin vaxt Kürdəxanı bələdiyyəsində şöbə müdiri  kimi işləyib. O belə işdə işləyə-işləyə necə istintaqdan yayına bilər? Şəxsin ifadəsi alınmadan necə cinayət işi başlamaq olar? Yasamal RPİ-nin müstəntiqi dedi ki, 25 faiz ödəyin cinayət işinə xitam verilsin. Məmməd Ağakişiyevin də həyat yoldaşı həmin 5 min manat məbləği ödədi".

Həmçinin məhkəmə prosesində 2023-cu ilin 31 iyul tarixindən 2 avqust tarixinə kimi Məmməd Ağakişiyevin hər iki nömrəsinin anten məlumatlarının çıxarılması barədə hər iki tərəf tərəfdən verilən vəsatət təmin olundu. 

Məhkəmə prosesi 10 mart tarixinə kimi təxirə salınıb.

İttiham aktına görə,  Məmməd Ağakişiyev 5 nəfərə Nardaran kəndi ərazisində torpaq satıb və onların 186 min manat pulunu alıb. Xatırladaq ki, Məmməd Ağakişiyev cinayət işi başlayana kimi Kürdəxanı bələdiyyəsində şöbə müdiri olub.