“Moyka”dan qaçırdığı “Lamborghini” ilə 16 saat kef çəkdi – Məhkəmədən üzüağ çıxdı

Rusiyanın paytaxtı Moskvada avtoyuma məntəqəsindən qaçırılan “Lamborghini” 16 saat sonra sahibinə qaytarılıb. Avtosfer.az yerli KİV-ə istindən xəbər verir ki, yerli sakin avtoyuma məntəqəsində elit avtomobil görüb və işçilərə deyib ki, “Lamborghini” mənimdir və açarı götürərək şəhərin seyrinə çıxıb. Şəhərin küçələrində 16 saat şütüyən sakin, avtomobil sahibinin şikayətindən sonra yol polisi tərəfindən saxlanılıb. Onun barəsində İnzibati Xətalar Məcəlləsinə uyğun protokol tərtib edilib və iş baxılması üçün məhkəməyə göndərilib.

Lakin, tərəflər münaqişəni öz aralarında həll ediblər.

Belə ki, paytaxt sakini “Lamborghini”nin sahibi ilə razılığa gəlib ki, güya avtomobili sınaq sürüşü üçün götürüb. Tərəflər barışıb, “avtomobil həvəskarı” üzr istəyib, zərərçəkmişə isə mənəvi təzminat kimi pul ödəyib. Məhkəmə tərəflərin barışması ilə əlaqədar cinayət işinə xitam verib.

Namiq Musayev