Nardaranda avtobus yanıb kül oldu - ANBAAN VİDEO

Bakının Sabunçu rayonu, Nardaran qəsəbəsində avtobus yanaraq yararsız hala düşüb. Avtosfer.az-ın məlumatına görə, yanğın  avqustun 15-də saat 15:30 radələrində qeydə alınıb.

Belə ki, 177 nömrəli müntəzəm marşrut xətti üzrə hərəkət edən 77-NM-176 dövlət nömrə nişanlı “Otoyol” markalı sərnişin avtobusu hərəkətdə olan zaman anidən alışmağa başlayıb.

Alov qısa zamanda nəqliyyat vasitəsini bürüyüb. Xoşbəxtlikdən hadisə zamanı avtobusda sərnişin olmayıb.

Əraziyə Fövqəladə Hallar Nazirliyinin Dövlət Yanğından Mühafizə Hissəsinin əməkdaşları cəlb olunub. Alov söndürülsə də avtobus tamamilə sıradan çıxıb. Videonu təqdim edirik:

Nərmin