Niqablı kişi sürücü polislərə atəş açıb ikisini yaraldı: 41 yaşlı şəxs axtarılır - FOTO

Dağıstanda polislərə odlu silahdan atəş açan şəxs axtarılır. Avtosfer.az xəbər verir ki, hadisə avqustun 9-da Xasavyurt – Tlox avtomobil yolunda baş verib. Bu barədə Respublika Daxili İşlər Nazirliyinin Telegram- kanalıda məlumat dərc edilib.

Məlumata görə, Çeçenistan Respublikasının Şalinski rayonunun Novaya Jizn kəndindən olan 41 yaşlı Əli Demilxanov idarə etdiyi “VAZ-111730” markalı minik avtomobili ilə hərəkətdə olan zaman, sənədlərinin yoxlanılması üçün polis əməkdaşları tərəfindən saxlanılıb.

Bundan sonra şübhəli şəxs hüquq-mühafizə orqanlarının əməkdaşlarına atəş açıb.

Nəticədə 2 polis əməkdaşı güllə yarası ilə xəstəxanaya yerləşdirilib.

Bildirilir ki, cinayəti törədən şəxs qadın paltarında və əllərində əlcək olub. Bundan əlavə, o, üzünü örtən baş geyimi (niqab) də geyinib.

Onun saxlanılması istiqamətində əməliyyat-axtarış tədbirləri davam etdirilir.

Namiq Musayev