Polis terrorçuluqda şübhəli bilinən 7 nəfəri yaxaladı

Argentina polisi terror qruplaşması ilə əlaqədə olduğu iddia edilən 7 nəfəri saxlayıb.

Avtosfer.az “Azərtac”a istinadən xəbər verir ki, bu barədə ölkənin təhlükəsizlik naziri Patrisiya Bullriç məlumat verib. Bildirilib ki, onlar Mendozada terror aktları planlaşdırırdılar.

Bullriçin sözlərinə görə, saxlanılanlar “İslam Dövləti və Taliban kimi terror qruplarının nifrət nitqi, hücum planları və materiallarını yaymaq üçün sosial mediadan istifadə edib. Saxlanılanların evlərində aparılan axtarışlar zamanı çoxlu sayda odlu silah və bıçaq aşkar edilib.