Qazaxıstanda təyyarə quş dəstəsi ilə toqquşdu – FOTO

Yanvarın 26-da Qazaxıstanın "FlyArystan" aviaşirkətinə məxsus təyyarə Uralskdan havaya qalxarkən quş dəstəsi ilə toqquşub.
Avtosfer.az xəbər verir ki, bu barədə "Air Astana"nın mətbuat xidməti məlumat yayıb.
Bildirilib ki, sistemlərin və mühərriklərin işində heç bir nasazlıq olmadığı üçün ekipaj uçuşu davam etdirmək qərarına gəlib və təhlükəsiz şəkildə Astanada eniş edib.
Enişdən sonra mütəxəssislər yoxlamalar aparıb, o cümlədən quşların qalıqlarını tapıblar. Uralskda təkrar hadisələrin qarşısını almaq üçün quşların növünü müəyyən etmək üçün bu nümunələr analizə göndəriləcək.