Qırmızıda yola qaçan piyada maşını son anda görüb baxın necə reaksiya verdi - VİDEO

Paytaxtın Nəsimi rayonu Dilarə Əliyeva küçəsində qayda pozan piyada anbaan videoqeydiyyatçıya düşüb.

Avtosfer.az-ın məlumatına görə, hadisə yanvarın 27-də saat 20:27 radələrində qeydə alınıb. Belə ki, işıqforun qırmızı işığına əhəmiyyət vermədən keçiddən yolu keçən gənc oğlan qarşıdan gələn sürücüyə təhlükə yaradıb. Xoşbəxtlikdən o, avtomobili son anda görərək dayanıb və baş verəcək qəzadan qurtulub.

Təəssüflə qeyd edək ki, bəzi piyadalar keçiddən keçərkən onun işıqforla nizamlanıb-nizamlanmamasına diqqət etmirlər. Nəticədə videodakı piyada kimi həm özlərini, həm də sürücüləri qəza riskiylə üz-üzə qoyurlar. Belə xoşagəlməz halların baş verməməsi üçün yolu ehtiyatla keçmək lazımdır. Hətta piyadalar işıqforla nizamlanmayan keçidlərdə belə qarşıdan gələn nəqliyyat vasitəsinin dayandığına əmin olduqdan sonra hərəkət etməlidirlər.

Nərmin