Rusiya ordusuna məxsus dron Polşada yaşayış evinə çırpıldı

Polşanın hava məkanına daxil olan Rusiya PUA-sı Lüblin vilayətinin Vırıki şəhərindəki yaşayış evinə çırpılıb.

Avtosfer.az xəbər verir ki, bu barədə "Polsat News" hüquq-mühafizə orqanlarına istinadən məlumat yayıb.

Telekanalın məlumatına görə, fərdi yaşayış evinin dam örtüyü, eləcə də ona bitişik avtomobil dayanacağı qismən zədələnib.
 
"İnsanlar partlayış səsi eşidib, eyni zamanda, səmada Polşa ordusunun qırıcılarını görüblər. Vəziyyət kifayət qədər mürəkkəb və həyəcanlıdır, sakinlər, həqiqətən, ciddi narahatdırlar", - Vırıki şəhərin meri Mariuş Zanko bildirib.

Məlumat üçün qeyd edək ki, Polşanın Baş naziri Donald Tusk sentyabrın 10-da ölkənin hava məkanının Rusiya dronları tərəfindən pozulduğunu təsdiq edib.