Şəmkirdə “HAVAL” yanaraq yararsız hala düşüb

Şəmkir rayonunda minik avtomobili tamam yanıb.

Avtosfer.az-ın məlumatına görə, hadisə Şəmkir rayonunun Qədimqala kəndində qeydə alınıb.

Belə ki, “HAVAL” markalı minik avtomobilinin yanar hissələri yanıb. Hadisə yerinə Fövqəladə Hallar Nazirliyinin Şəmkir rayon Yanğından Mühafizə Hissəsinin yanğınsöndürən maşınları və canlı qüvvəsi cəlb olunub və yanğın söndürülüb.

Yaxınlıqdakı tikililər yanğından mühafizə olunub.

Faktla bağlı araşdırma aparılır.