Sərxoş halda maşın sürdü, polis saxladı - 400 manat cərimə

Bakıda dövlət nömrə nişanı 99 UM 111 olan "VolkswagenID.6 X Pro" markalı avtomobilin sürücüsü saxlanılıb. 

Avtosfer.az-ın "Qaynarinfo"ya istinadən məlumatına görə, 1989-cu il təvəllüdlü D.F. barəsində İnzibati Xətalar Məcəlləsinin 333.1 maddəsi ilə protokol tərtib edilib. 

Dövlət Yol Polisi (DYP) əməkdaşları tərəfindən gecə saat 02:40 radələrində saxlanılan D.F. avtomobili sərxoş halda idarə edib. Məhkəmənin qərarı ilə sürücü barəsində 400 manat məbləğində cərimə edilir.

Qeyd edək ki, İnzibati Xətalar Məcəlləsinin 333.1 maddəsi ilə nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə dörd yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır.