Silahlı şəxslər diplomatı qarət edib saxta nömrəli avtomobillə qaçdılar

Fransanın paytaxtı Parisdə iki silahlı şəxs Yeni Zelandiyadan olan diplomatı qarət edib.

Avtosfer.az xəbər verir ki, bu barədə “Parisien” nəşri məlumat yayıb.

Qeyd olunur ki, diplomatın evinə soxulan cinayətkarlar onun əl-qolunu bağlayıblar və tapançanın qundağı ilə onun üz nahiyəsinə zərbələr endiriblər. Daha sonra 34 yaşlı diplomatın şəxsi əşyalarını oğurlayaraq gəldikləri saxta dövlət nömrə nişanlı avtomobillə qaçıblar.

Nəşrin yazdığına görə, diplomat ciddi xəsarət almayıb.

Hazırda hüquq-mühafizə orqanları tərəfindən araşdırma aparılır.

Namiq Musayev