Sumqayıtda 21 yaşlı oğlanı bıçaqlayan şəxs saxlanıldı - YENİLƏNİB

Sumqayıt şəhərində 2003-cü il təvəllüdlü K.Məhərrəmova kəsici-deşici alətlə xəsarət yetirilib və o xəstəxanaya yerləşdirilib.

Bu barədə Avtosfer.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, bu barədə polisə məlumat daxil olub.

Polis əməkdaşları tərəfindən əməli törətməkdə şübhəli bilinən 2006-cı il təvəllüdlü E.Babayev müəyyən olunaraq saxlanılıb.

Faktla bağlı araşdırma aparılır.

***

Sumqayıtda gənc oğlan bıçaqlanıb.

APA xəbər verir ki, hadisə şəhərin 1-ci məhəlləsi ərazisində qeydə alınıb.

2003-cü il təvəllüdlü Kənan Ceyhun oğlu Məhərrəmov aralarında baş vermiş münaqişə zəminində tanımadığı şəxs tərəfindən bıçaqlanıb.

Yaralı dərhal xəstəxanaya çatdırılıb.

Faktla bağlı araşdırma aparılır.