Sumqayıtda baş vermiş bıçaqlanma hadisəsinin səbəbi açıqlanıb - YENİLƏNİB

Avqustun 2-də gecə saat 1 radələrində Sumqayıt şəhəri ərazisində 1975-ci il təvəllüdlü Sabit İsmayılovun kəsici-deşici alətlə qardaşı 1972-ci il təvəllüdlü Ədalət İsmayılova yüngül bədən xəsarətləri yetirməsi barədə polisə məlumat daxil olub.

Bu barədə Avtosfer.az-a DİN-in Mətbuat Xidmətindən bildirilib.

Qeyd edilib ki, sərxoş vəziyyətdə olan tərəflər arasında yaranan münaqişə şəxsi münasibətlər zəminində baş verib.

Araşdırma aparılır.

***
Sumqayıtda qardaş qardaşı bıçaqlayıb.

Avtosfer.az xəbər verir ki, Sumqayıt şəhəri 10-cu mikrorayonda yaşayan 49 yaşlı İsmayılov Sabit Məmməd oğlu aralarında baş vermiş münaqişə zəminində qardaşı 52 yaşlı İsmayılov Ədalət Məmməd oğluna bıçaqla xəsarət yetirib.

Fakt araşdırılır.

(lent.az)