Tayvanda çökən yol avtomobili “udub”

Tayvanın Sinzhu şəhərinin Çjudonq qəsəbəsində yol qəfil çöküb. 

Avtosfer.az cebhe.info-ya istinadən xəbər verir ki, çökmə nəticəsində park edilmiş avtomobil saniyələr ərzində çökmə nəticəsində yaranan çuxura düşüb. 

Avtomobil 5 metr dərinliyə düşüb. Avtomobildə heç kimin olmaması böyük fəlakətin qarşısını alıb.

Ərazidə ilk baxışdan sonra uçqunun rayonda bir şirkət tərəfindən aparılan qanunsuz tikinti nəticəsində baş verdiyi bildirilib.

Zhudong Bələdiyyə Başçısı Quo Yuanzhang hadisə ilə bağlı verdiyi açıqlamada, "Bu torpaq Milli Əmlak İdarəsinə məxsusdur. Bəzi şirkətlər bu yerləri park və digər məqsədlər üçün zəbt edib, sonra isə lazımi infrastruktur qurulmayıb. 

Çökən yerin infrastrukturu köhnə idi. Torpaq polad tirin qırılması səbəbindən çöküb" deyə bildirib.

Hadisə ilə bağlı təfərrüatlı araşdırma başlanılıb, tikinti şirkətinə qarşı da cinayət işi açılıb.