Təmir işləri aparan usta 5-ci mərtəbədən yıxıldı

Mingəçevirdə təmir işləri aparan 24 yaşlı usta 5-ci mərtəbədən yıxılıb.

Avtosfer.az xəbər verir ki, hadisə şəhərin Nizami küçəsi 12 ünvanında yerləşən binada baş verib.

Binada təmir işləri aparan 2000-ci il təvəllüdlü Veyisov Elvir Vüqar oğlu ehtiyatsızlıq nəticəsində sürüşərək beşinci mərtəbədən yerə çırpılıb.

Müxtəlif dərəcəli bədən xəsarətləri alan usta təcili xəstəxanaya çatdırılıb.

Faktla bağlı araşdırma aparılır.

(unikal)