Yeniyetmə polis avtomobilini yandırdı, həbs olundu - FOTOLAR

İngiltərədə miqrantlara qarşı iğtişaşlar zamanı polis avtomobilini yandıran 11 yaşlı oğlan həbs edilib. Avtosfer.az xəbər verir ki, hadisə ölkənin şimal-şərqindəki Hartlepul şəhərində baş verib.

Bu barədə Böyük Britaniyanın Polis Rəisləri Milli Şurasının sədri Qavin Stivens bildirib.

"Biz gənclərin və uşaqların bu iğtişaşlarda iştirak etdiyini görürük. Onları kütlənin instinkti cəlb edir.

Saxlanılanlardan ən kiçiyinin 11 yaşı var. Uşaqlar və yeniyetmələrlə iğtişaşlarda iştirakın yolverilməzliyi haqqında söhbətlərin aparılması vacibdir” – deyə, o “SkyNews” telekanlaın efirində söyləyib.

Qeyd edək ki, hazırda ölkə üzrə 150-yə yaxın şəxs ictimai asayişi pozmaqda ittiham olunub. Onların dörddə birindən çoxu 21 yaşdan aşağı şəxslərdir. 50 yaşdan yuxarı etirazçılar isə təqsirləndirilənlərin 8%-ni təşkil edir. Onlardan ən yaşlısı iğtişaşlarda iştirakına görə artıq 2 il 8 ay müddətinə azadlıqdan məhrum edilmiş 69 yaşlı kişidir.

Namiq Musayev