Yevlaxda 17 yaşlı oğlan qətlə yetirilib, bir nəfər bıçaqlanıb

Yevlaxda baş verən ölüm hadisəsi ilə bağlı daha bir nəfər saxlanılıb.

Avtosfer.az APA-ya istinadən xəbər verir ki, Yevlax rayon polis idarəsinin əməkdaşlarının həyata keçirdiyi əməliyyat axtarış tədbirləri nəticəsində
2005-ci il təvəllüd Mustafazadə Məhəmməd saxlanılaraq istintaqa təhvil verilib.

***

Yevlaxdakı qətl hadisəsini törətməkdə şübhəli bilinənlər saxlanılıb.

Avtosfer.az-ın məlumatına görə cinayət əməlini törətməkdə şübhəli bilinən 2009-cü il təvəllüdü Mustafalı Həsən və 2007-ci təvəllüdlü Quliyev Rəhim polis əməkdaşları tərəfindən saxlanılaraq istintaqa təhvil verilib.

**

Yevlaxda qətl hadisəsi baş verib.

Avtosfer.az xəbər verir ki, hadisə Yevlax şəhəri ərazisində qeydə alınıb. Tərəflər arasında yaranmış mübahisə davaya səbəb olub. Nəticədə 2008-ci il təvəllüdlü Ayxan Quliyev bıçaqlanaraq öldürülüb. 2007-ci il təvəllüdlü Əli Zülfüqarlı isə xəsarətlər alıb. Xəsarət alan şəxs Yevlax mərkəzi xəstəxanasına çatdırılıb.

Fakt araşdırılır.