“Yol vermək” üstündə silahlı insident: 3 ölü, 6 yaralı - FOTO

Türkiyənin Mersinin bölgəsində iki qrup arasında baş verən silahlı insident zamanı 3 nəfər ölüb, 6 nəfər yaralanıb.

Avtosfer.az İHA-ya istinadən xəbər verir ki, hadisə Tarsus rayonunun Sucular məhəlləsində yaşanıb.

Məlumata görə, bir restoranın qarşısında iki qrup arasında “yol vermək” zəminində mübahisə düşüb. Mübahisə böyüyərkən davaya çevrilib və tərəflər tapança və tüfənglə bir-birinə atəş açıb.

Hadisə nəticəsində 3 nəfər ölüb, 6 nəfər yaralanıb.

Ətrafdakıların çağırışı ilə hadisə yerinə 112 Təcili Tibbi Yardım və polis qrupları gəlib.

Yaralılar, rayon xəstəxanalarına çatdırılıb.

Hadisədə şübhəli bilinən 1 nəfər saxlanılıb.

Namiq Musayev