Ağdaş sakini sirkə turşusundan zəhərlənərək ölüb - YENİLƏNİB

Ağdaşda sirkə turşusundan zəhərlənib xəstəxanada dünyasını dəyişən qızın kimliyi bəlli olub.

Məlumata görə, mərhum 2001-ci il təvəllüdlü Ağdaş rayon sakini Əminə Xankişiyevadır.

08:39

Ağdaşda sirkə turşusundan zəhərlənən qız xəstəxanada dünyasını dəyişib.

APA-nın məlumatına görə, hadisə Ağdaş rayonu ərazisində baş versə də, ölüm faktı Mingəçevir Şəhər Mərkəzi Xəstəxanasında qeydə alınıb.

Kimliyi hələ ki tam dəqiqləşdirilməyən və təxminən 20-22 yaşlarında olan qız yaşadığı ərazidə naməlum səbəbdən sirkə turşusu içərək zəhərlənib. Ağır vəziyyətdə olan xəstə Mingəçevir Şəhər Mərkəzi Xəstəxanasına gətirilib. Həkimlərin bütün səylərinə baxmayaraq, onun həyatını xilas etmək mümkün olmayıb.

Faktla bağlı Ağdaş Rayon Prokurorluğunda araşdırma aparılır.