ABŞ-ın Xəstəliklərə Nəzarət və Onların Qarşısının Alınması Mərkəzləri (CDC) koronavirus pandemiyası ilə bağlı vəziyyət səbəbi ilə yerli vaxtla bazar ertəsi gecədən etibarən ictimai nəqliyyatda maska ​​taxmağı məcburi edib.

Avtosfer.az xəbər verir ki, bu barədə ABŞ-dakı tənzimləyicinin bəyanatında deyilir.

Qeyd olunur ki, məhdudiyyətlər ictimai nəqliyyatda, o cümlədən qatarlarda, metroda, avtobuslarda, taksilərdə və gəmilərdə, eləcə də təyyarələrdə olan sərnişinlərə şamil ediləcək. Eyni zamanda həm ABŞ-a daxil olan və ya çıxanlar, eləcə də ölkə üzrə səyahət edən sərnişinlər maska ​​taxmalıdırlar.

Nəqliyyat işçiləri (sürücülər, konduktorlar və digər işçilər) də maska ​​taxmalı olacaqlar. Tənzimləyici sərnişinin nəqliyyat gözləyərkən, minərkən, səyahət edərkən və ya enərkən maskaların ağızı və burunu tam örtməsini tələb edir.