Bakının mərkəzində qaldırıcı kran yolu kəsdi: tıxac yaranıb... - FOTO

Paytaxtın Təbriz küçəsində qaldırıcı kran yolu iflic vəziyyətə salıb.

Avtosfer.az xəbər verir ki, bu barədə vətəndaşlar şikayət ünvanlayıb. Belə ki, keçmiş "Su sonası" şadlıq sarayının qarşısında tikinti işləri aparılır. Bu məqsədlə qaldırıcı kran yolun hərəkət hissəsində saxlanılıb. Onsuz da dar olan küçə keçilməz vəziyyətə düşüb və ərazisində ciddi tıxac yaranıb. Bu işləri günün pik saatlarda görmək isə məntiqə uyğun deyil. Hərəkətin daha az olduğu saatlarında bu işləri görmək olar ki, əlavə problemlər yaranmasın.