Məhkəmə generalın qızı ilə bağlı QƏRAR VERDİ

Sumqayıt Şəhər Məhkəməsində ehtiyatda olan general-mayor Natiq Əliyevin qızı, külli miqarda dələduzluqda təqsirləndirilən Türkər Əliyeva barəsində həbs qətimkan tədbirinin seçilməsi barədə istintaq orqanının təqdimatına baxılıb. 

Avtosfer.az Oxu.Az-a istinadla xəbər verir ki, hakim Vüsalə Məmmədovanın sədrliyi ilə keçirilən prosesdə qərar açıqlanıb.

Məhkəmənin qərarı ilə T.Əliyeva barəsində ev dustaqlığı qətimkan tədbiri seçilib. 

Xatırladaq ki, general Natiq Əliyevin qızı Türkər Əliyeva moderator kimi çalışıb.

Azərbaycan Respublikasının Minatəmizləmə Agentliyinin (ANAMA) İdarə Heyəti sədrinin müavini general-mayor Ceyhun Rzayevin şikayəti əsasında onun barəsində Sumqayıt şəhər Prokurorluğu tərəfindən cinayət işi başlanılıb. T.Əliyeva Sumqayıt Şəhər Prokurorluğu tərəfindən istintaqa cəlb edilib və saxlanılıb.