COVID-19 üzrə yeni statistik məlumatlar açıqlandı

Ümumdünya Səhiyyə Təşkilatının (ÜST) məlumatına görə, indiyədək dünya üzrə COVID-19-dan ölənlərin sayı 7 milyon 115 min 86 nəfərə çatıb.

Avtosfer.az bu barədə "Trend"ə  istinadən xəbər verir.

ÜST-nin məlumatına əsasən, qlobal miqyasda 13 milyard 642 milyon 98 min 70 nəfər COVID-19 əleyhinə peyvənd olunub.

ÜST-nin son COVID-19 statistikasına görə, 63 ölkədən daxil olan hesabatlar əsasında ümumilikdə 11 min 948 yeni yoluxma qeydə alınıb. Yeni yoluxmaların böyük hissəsi Braziliyanın payına düşür — bu ölkədə 6 min 700 yoluxma aşkarlanıb.

Tayland, Belarus və Almaniyada hər birində 1 yeni yoluxma faktı qeydə alınıb.

Türkiyə, Azərbaycan, Qırğızıstan və Rusiya kimi ölkələrdən isə yeni yoluxma halları barədə məlumat verilməyib.