Dəmir yolu ilə sərnişin, yük və daşınmaları kəskin artıb

Bu ilin yanvar-sentyabr aylarında Azərbaycanda dəmir yolu nəqliyyatı ilə 13,6 mln. ton yük, 3 377,5 min sərnişin daşınıb.

Dövlət Statistika Komitəsindən Avtosfer.az-a verilən məlumata görə, 2021-ci ilin eyni dövrü ilə müqayisədə yük daşınmasında 23,7%, sərnişin daşınmasında isə 91,5% artım müşahidə olunub. “Orta hesabla sutkada 329 vaqon yüklənib, 384 vaqon isə boşaldılıb. Sutka ərzində dəmir yolunun Şimal istiqaməti üzrə 15,9 min ton, Qərb istiqaməti üzrə 3,2 min ton, Cənub istiqaməti üzrə isə 0,5 min ton yüklənmə işi yerinə yetirilib”, - məlumatda qeyd olunur.