Deputat müəlliflik hüquqlarına dair dinləmə keçirilməsini təklif edib

“Bizə bir sıra mədəniyyət adamlarının, ziyalıların müraciətləri olur. Həmin müraciətlərdə müəllif hüquqlarının daha yaxşı qorunması mexanizmlərinin güclənməsi sahəsində təkliflər var. Bunların bəzisi qanunun icrasında yaranmış problemlərlə bağlıdır”.

Avtosfer.az-ın məlumatına görə, bunu Milli Məclisin bu gün keçirilən iclasında deputat Qənirə Paşayeva deyib.

Deputat bildirib ki, bununla bağlı təkliflər hazırlayır: “Sizin də razılığınız olarsa, “Müəlliflik hüququ və əlaqəli hüquqlar haqqında” qanunla bağlı təklifləri nəzərə almaqla, aidiyyəti orqanların da iştirakı ilə dinləmə keçirilsə, yaxşı olar”.