Dəyəri 90 mln. dollar olan narkotik müsadirə olunub

Meksika hərbçiləri ölkənin şimal-qərbində, Sinaloa ştatının sahillərində böyük bir narkotik partiyası daşıyan gəmini saxlayıblar.

Avtosfer.az xəbər verir ki, bu barədə TASS ölkənin Hərbi-Dəniz Donanması Nazirliyinə istinadən məlumat yayıb.

İki nəfərin idarə etdiyi gəmidə 2,5 tondan çox metamfetamin və 100 mindən çox fentanil tableti aşkar olunub.

Rəsmi dairələr narkotik maddələrin “Sinaloa” narkotik kartelinə aid olduğunu ehtimal edir.