Karqo şirkəti müştəriləri mesaj vasitəsilə təhqir edərək "tərəvəz"ə bənzətdi

Məlum olduğu kimi, ötən günlərdə Türkiyə, ABŞ və Almaniyadan sifarişlərin Azərbaycana çatdırılma xidməti “Expargo”nun müştərilərinə qeyr-etik mesaj göndərilib. 

Avtosfer.az xəbər verir ki, bununla bağlı sözügedən xidmətin Feysbuk səhifəsində məlumat paylaşılıb.

Paylaşımda qeyd olunub ki, sayta edilən haker hücumu görə, “Expargo” əleyhinə olan bu cinayətlə bağlı Dövlət Təhlükəsizlik Xidməti və Baş Prokurorluğa aidiyyəti üzrə müraciət ediləcək.

Eyni zamanda, şəxsi məlumatlarına görə, narahat olan müştərilərə də şirkət tərəfindən açıqlama verilib: “Hücum sadəcə bir operatorun kompüterinə olunub və sözügedən SMS göndərilib. Operatorlara saytda icazə verilən funksiyalar limitlidir. Serverə heç bir müdaxilə olunmayıb, məlumatlarınız bizimlə tam təhlükəsiz qorunur. Ödəniş prosesini isə saytımızla yox, əlaqələndirici şirkətlə etdiyiniz üçün heç bir kart məlumatları bazamızda saxlanılmır və sizin məlumatınız olmadan heç bir əməliyyat aparıla bilməz. Qeyd edək ki, təhlükəsizlik məqsədilə saytımızda 3D Secure SMS xidməti aktiv olmayan kartlar ilə ödəniş qəbul edilmir. Yəni, sizin xəbəriniz olmadan heç bir halda kartınıza müdaxilə edilə bilməz. Hücuma cəhd edən şəxslər hal-hazırda polis bölməsində sorğudadır, prosesi yaxından izləyirik, yaranan narahatlığa görə təqsirkarlar adından birdaha üzr istəyirik”.