Oğlunu qəzada itirən gürcü deputat intihar edib

Gürcüstanda hakim “Gürcü Arzusu-Demokratik Gürcüstan” partiyasının deputatı İrakli Xaxubiya öz evində ölü tapılıb.

Avtosfer.az oxu.az-a istinadən xəbər verir ki, hüquq-mühafizə orqanlarının əməkdaşları hadisə yerində odlu silah aşkar ediblər.

İlkin ehtimallara görə, 51 yaşlı deputat intihar edib. Hazırda faktla bağlı araşdırma aparılır.

Deputatın qohumlarının sözlərinə görə, İrakli Xaxubiyanın 21 yaşlı oğlu bir neçə il əvvəl avtomobil qəzasında dünyasını dəyişib. Oğlunun ölümündən sonra deputatın səhhətində problemlər yaranıb.