Qatarın altında qalan kişi möcüzəvi şəkildə sağ qaldı

Rusiyanın Moskva vilayətində qatarın altında qalan kişi möcüzəvi şəkildə sağ qalıb.

Avtosfer.az xəbər verir ki, bu barədə Moskva vilayətinin "Nəqliyyat və İnfrastruktur Nazirliyi" məlumat yayıb.

Məlumata görə, dəmiryolu relslərini keçən kişi qatarın yaxınlaşdığına fikir verməyib. Həmin gün stansiyada növbədə olan Rusiya Qvardiyasının əməkdaşları qışqırıq səslərinə qaçaraq gəliblər. Onlar həmin şəxsi dəmiryolu relslərindən qaldıraraq ilkin tibbi yardım göstəriblər. Kişi xəstəxanaya çatdırılıb. İndi onun həyatı üçün təhlükənin olmadığı bildirilib.

Bütün şahidlər bu adamın xilasını bir möcüzə adlandırıblar. Rəsmilər insanları yolu keçərkən ətraf mühitə diqqətlə nəzarət etməyə çağırıblar.

big.az