Sabiq nazir: “Sülh sazişi ermənilərin də maraqlarına uyğundur”

Oktyabr ayının 31-də Rusiya Prezidenti Vladimir Putin, Azərbaycan Prezidenti İlham Əliyev və Ermənistanın Baş naziri Nikol Paşinyan arasında Soçi şəhərində görüş keçiriləcəyi gözlənilir. Görüşün təşəbbüskarı Rusiya lideri Vladimir Putindir.
Belə ki, Rusiya Xarici İşlər Nazirliyinin sözçüsü Mariya Zaxarova Putinin Azərbaycan və Ermənistan liderlərini üçtərəfli və ikitərəfli məsələlərin bütün spektrini müzakirə etmək üçün Rusiyaya növbəti üçtərəfli sammitə dəvət etdiyini bildirib.
Sabiq xarici işlər naziri Elmar Məmmədyarov “Unikal”a açıqlamasında görüşün mümkün nəticələri ilə bağlı fikirlərini söyləyib:
“Yəqin ki, artıq görüşdə müzakirə olunacaq məsələlər bəllidir. Düşünürəm ki, Ermənistan və Azərbaycan arasında imzalanmalı olan sülh sazişi görüşün əsas müzakirə mövzusu olacaq. Bununla yanaşı, sərhədlərin delimitasiya və demarkasiyası məsələləri də çox önəmlidir. Zəngəzur dəhlizi ilə bağlı müzakirələrin olacağını da təxmin edirəm.
İnanıram ki, bütün bu müzakirələrdən sonra hər hansı nəticə əldə olunacaq. Görüşlə bağlı həm Ermənistan, həm də Azərbaycan tərəfi bəyanat verib”.
“Lakin delimitasiya və demarkasiya işləri aparılmasa, sülh sazişi imzalanmasa, sərhəddə təxribatlar davam edə bilər. Erməni təxribatlarının qarşısını almağın ən yaxşı yolu sülh sazişinin imzalanmasıdır. Sülh sazişi ilə Zəngəzur dəhlizinin də açılması olduqca vacibdir. Gərək biz Ermənistan tərəfini sülh sazişini imzalamağa təhrik edək. Ermənilər unutmamalıdırlar ki, bu onların milli maraqlarına uyğundur”, - deyə E.Məmmədyarov bildirib.
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












