Sabirabadda 2,5 km-lik yol problemi: şagirdlər dərsə, xəstələr həkimə vaxtında gedə bilmir

Sabirabad rayonunun Moranlı kəndində yollar bərbad hala düşüb və buna görə də problem sakinlərin işini xeyli çətinləşdirib.
Bu barədə "Report"un Aran bürosuna kənd sakinləri məlumat veriblər.
Onların sözlərinə görə, artıq problem bir neçə ildir mövcuddur və dəfələrlə aidiyyəti qurumlara müraciət olunub. Amma hər dəfə müxtəlif vədlər verilsə də, problem bu günədək öz həllini tapmayıb.
Sakinlər bildiriblər ki, kəndin uzunluğu 2,5 kilometr olan daxili yolu bərbad vəziyyətə düşdüyündən yay aylarında toz-torpaqdan, payız-qış aylarında isə palçıqdan hərəkət etmək müşkülə çevrilib. Bu səbəbdən uşaqlar da məktəbə gedib-gəlməkdə çətinlik çəkirlər və bu da onların dərs davamiyyətlərinə mənfi təsir göstərib.
Onların fikrincə, kənddaxili avtomobil yolları əsaslı təmir edilmədiyindən nəqliyyat vasitələri də tez-tez sıradan çıxır. Eləcə də sakinlər xəstələrini vaxtında rayon mərkəzinə çatdırmaqda, təcili yardım maşınları isə xəstəyə köməyə vaxtında gəlməkdə çətinlik çəkirlər.
Moranlı kənd bələdiyyəsindən məsələ ilə bağlı "Report"un yerli bürosuna bildirilib ki, kənddaxili yolları təmir etmək üçün kifayət qədər vəsait yoxdur. Qeyd olunub ki, əhalidən yığılan vergi gəlirləri hesabına təmir işləri həyata keçirilir. Kənddə isə vergi ödənilmədiyindən bu kimi çətinliklər yaranır. Bununla belə, yolun təmiri ilə bağlı yaxın vaxtlarda lazımi tədbirlər görüləcəyi və sakinlərin probleminin aradan qaldırılacağı vurğulanıb.
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












