Şantaj edərək bu hotellərdən pul alırmış... - FOTO

Şantaj ittihamı ilə cinayət məsuliyyətinə cəlb edilən “Azerinfo.az” saytının rəhbəri İbrahim Hümbətovun həbsi ilə bağlı təfərrüatlar məlum olub.
Qafqazinfo-nun əldə etdiyi istintaq materiallarına əsasən, o, paytaxtın bir neçə rayonunda yerləşən mehmanxana icarədarlarını, həmçinin müxtəlif qurumların rəhbərlərini şantaj edərək onlardan pul tələb edib.
İbrahim Hümbətov sayt rəhbəri olduğunu deyərək Xətai rayonunun Babək prospektindəki “Dalğa” və Suraxanı rayonunun Zığ qəsəbəsində yerləşən “Maral” adlı hotellərin icarədarlarını həmin məkanların əxlaqsızlıq yuvası kimi fəaliyyət göstərməsi barədə məlumat yaymaqla hədələyib. O, icarədarlardan mütəmadi olaraq aylıq pul alıb- “Maral”ın icarədarı 1 il ərzində hər ay 50 manat (ümumilikdə 650 manat), “Dalğa”nın icarədarı isə hər ay 30 manat (ümumilikdə 1010 manat) verib.

İstintaq zamanı müəyyən olunub ki, Hümbətov yalnız mehmanxana sahibləri ilə kifayətlənməyib. O, Nəsimi Rayon Mənzil Kommunal Təsərrüfat Birliyinin rəisi, Göyçay İdarəetmə və Texnologiya Kollecinin direktoru, Ekologiya və Təbii Sərvətlər Nazirliyinin 3 saylı Regional İdarəsinin rəisini də müxtəlif formada şantaj edib və onlardan da pul alıb.
Cinayət işi Lənkəran Ağır Cinayətlər Məhkəməsində araşdırılıb. Hümbətov ittihamları qəbul etməyib və deyib ki, həmin şəxslər ona xəstəliyi ilə bağlı yardım məqsədilə könüllü şəkildə pul veriblər.
Lakin zərərçəkmiş şəxslərin ifadələri və toplanmış digər sübutlar əsasında İbrahim Hümbətovun təqsiri sübuta yetirilib. Hökmə əsasən, o, 6 il müddətinə azadlıqdan məhrum edilib.

Bakının bu ərazilərinə giriş ödənişli olacaq – Tarixi qərar…
Taksi sürücüsü olmaq istəyənlərin NƏZƏRİNƏ
DTX-dən silahlı birləşməyə qarşı əməliyyat: Həbs edilənlər var - FOTO
Gülarəni öldürməkdə şübhəli bilinən gənclə bağlı yeni faktlar: Atası danışdı
Dövlət qurumlarının iş vaxtı dəyişdi: İki aylıq sınaq tıxacı azaltdımı?
Avtobuslar üçün ayrıca işıqforlar neçə marşrutu əhatə edəcək? - AÇIQLAMA
Bakıda bəzi yollarda hərəkət məhdudlaşdırılacaq
Tonlarla şokolad və peçenyeni oğurlayıb satdı, puluna yük maşını aldı
“Avtobusu yük maşını kimi sürür, siqaret çəkir, söyüş söyür” – 7 və 7A-dan ŞİKAYƏT
General Natiq Əliyevin qızı ilə bağlı qərar verildi
Azərbaycanda qurum rəhbəri 6000 manat maaş alacaq












