ABŞ-ın aparıcı aviaşirkəti - “Southwest Airlines” ötən ili 3,1 milyard dollar zərərlə başa vurub. Halbuki, aviadaşıyıcı əvvəlki ildən 2,3 milyard dollar mənfəətlə çıxmışdı.

Avtosfer.az bu barədə xarici mətbuata istinadən xəbər verir.

"Southwest Airlines"ın illik zərərinin 908 milyon dolları 2020-ci ilin IV rübünün payına düşüb. 2019-ci ilin IV rübündə aviaşirkətin 514 milyon dollar mənfəəti olmuşdu.

Ötən il “American Airlines” 9,1 milyard dollar, ötən ilin IV rübündə isə 2 milyard dollar gəlir əldə edib. Bu da illik müqayisədə müvafiq olaraq 2,5 dəfə və 2,9 dəfə azdır.