Keniyadan olan yeniyetmə İngiltərədən Niderlanda təyyarənin şassi bölməsində uçub və sağ qalıb.

Bu barədə “The Mirror” xəbər yayıb.

Bildirilir ki, 16 yaşlı yeniyetmə Limburg əyalətinin Bek şəhərində hava limanına endikdən sonra şassinin yanında tapılıb.

Hipotermiya (aşağı bədən istiliyi) səbəbindən onun vəziyyəti həkimlər tərəfindən ağır qiymətləndirilib.

Hava limanının sözçüsünə görə, “qonağ”ın bəxti gətirib, çünki şassidən yapışaraq səyahət edənlərin əksəriyyəti, bir qayda olaraq, donaraq ölür.

Gənc “Türk Hava Yolları”nın “Airbus A330” yük təyyarəsi ilə səyahət edib.