Ukrayna kəşfiyyatı: İran Rusiyanı gülləkeçirməz jilet və dəbilqə ilə təmin edəcək

İran Rusiya ordusunu gülləkeçirməz jilet və dəbilqə ilə təmin edəcək.

Avtosfer.az xəbər verir ki, bu barədə Ukrayna Müdafiə Nazirliyinin Kəşfiyyat İdarəsi məlumat yayıb. Bildirilib ki, yaxın zamanda 3000 ədəd mühafizə dəsti - 1500 gülləkeçirməz jilet, 1500 ədəd "Milad" (İran) istehsalı olan dəbilqənin təhvil verilməsi planlaşdırılır: “Hazırda İran döyüş sursatları 3-cü motoatıcı diviziyasının 1061 logistika mərkəzinin (Soloti/Valuvaika, Belqorod vilayəti) anbarındadır”.

Ukrayna Müdafiə Nazirliyindən o da bildirilib ki, İran hakimiyyəti Rusiyaya yeni tipli PUA - “Arash-2” və İran raketlərinin döyüş istifadəsində kömək etmək üçün yeni məsləhətçilər qrupu göndərməyi də planlaşdırır.