Uşaq kitabının müəllifi öz uşağını döydüyünə görə həbs olundu

Uşaq kitabının müəllifi və əri azyaşlıların istismarına görə saxlanılıb.

Milli.Az nypost-a istinadla xəbər verir ki, ABŞ-ın Florida şəhərində yaşayan Jennifer və Joseph Wolfthal övladlığa götürdükləri uşaqları döydüyünə görə tutulublar. 41 yaşlı Jennifer və əri uşağa qarşı diqqətsizlik göstərdikləri üçün, onu döydüklərinə, günlərlə ac saxladıqlarına görə cəzalandırılıblar.

Onlar 8 yaşlı uşağın pnevmaniya olmasına, ağciyərlərinin tamamilə sıradan çıxmasına səbəb olublar. Uşağın bədənində açıq yaralar, zədə izləri və göyərmələr olub.

Qeyd edək ki, Jennifer Wolfthal uşaqlar üçün nəzərdə tutulan "A Real Friend" ( əsl dost ) adlı kitabın müəllifidir.