Velosiped 12 yaşlı oğlanın ayağını kəsdi - Bakıda - VİDEO

Bakı şəhərində velosiped 12 yaşlı oğlanın ayağını kəsib.

Avtosfer.az oxu.az-a istinadən xəbər verir ki, Sabunçu rayonunda 2010-cu il təvəllüdlü oğlanın ayağına velosipedin metal elementi nüfuz edib.

Fövqəladə Hallar Nazirliyinin (FHN) Xüsusi Riskli Xilasetmə Xidmətinin müvafiq xilasetmə qüvvələrinin xilasediciləri təcili tibbi yardım briqadasının müşayiəti ilə ilkin xilasetmə tədbirlərini həyata keçiriblər. Belə ki, ayağa nüfuz etmiş metal element xüsusi alət vasitəsi ilə kəsilərək velosipeddən ayrılıb.

Ayağa nüfuz etmiş hissənin çıxarması üçün cərrahi müdaxilə tələb olunduğundan yaralı təcili tibbi yardım briqadasına təhvil verilib.