20 Yanvar dairəsində iki "Prius" qırmızıda keçdi, biri qəzaya düşdü - VİDEO

Bakıda baş verən qəzanın videosu sosial şəbəkədə yayılıb. Avtosfer.az xəbər verir ki, hadisə 20 Yanvar dairəsində baş verib. Belə ki, svetoforun qırmızı işığına əhəmiyyət verməyən iki “Toyota Prius” sürücüsü hərəkətlərinə davam ediblər. Qarşıda olan “Prius”un sürücüsü yolayrıcına daxil olaraq yaşıl işıqda hərəkət edən “BakuBus”a məxsus avtobusun qarşısına çıxıb və qəza baş verib. Digər “Prius”un sürücüsü isə qəzanı görəndən sonra dayanaraq geriyə hərəkət etməyə başlayıb.

Qeyd edək ki, qəzaya düşən “Prius” “Bolt” taksi şirkətinə məxsusdur.

Fərid