Bakıda məhəllədə özünə parklanma yeri ayıran şəxs qonşuların hiddətinə səbəb oldu - FOTO

Bakının Binəqəqdi rayonu, 9cu mikrorayon ərazisi Həmzə Babaşov küçəsində özbaşınalığa yol verilib. Avtosfer.az bildirir ki,  sözügedən ərazidə yerləşən binanın qarşısında parklanma yeri az sayda olmasına baxmayaraq sürücülərdən biri özünə şəxsi parklanma yeri ayırıb. O, həm avtomobilinin dayandığı yeri ağ boya ilə çərçivəyə alıb, həm də konus yerləşdirərək digər sürücülərin bura daxil olmasının qarşısını alıb. Üstəlik konusu da zəncirlə ağaca bağlayıb ki, onu açıb yığışıdıran olmasın. 
Qeyd edək ki, İnzibati Xətalar Məcəlləsinin
354.0.4-cü maddəsinə əsasən nəqliyyat vasitələrinin hərəkətinin başqa üsullarla kəsilməsinə, yaxud avtomobil yollarında nəqliyyat vasitələrinin və piyadaların hərəkətinə maneələr yaradılmasına görə fiziki şəxslər səksən manatdan yüz manatadək məbləğində cərimə oluna bilər.

Aysel