Bakıda qəflətən yola atılan qadın piyada qəzadan son anda qurtuldu - SƏBƏB - VİDEO

Bakıda yolu keçmək istəyən piyada moped tərəfindən vurulmaqdan son anda xilas olub. Bu barədə Avtosfer.az-a oxuculardan biri video göndərib. Videoda yolda tıxac olduğu görünür. Piyada yolu təyin olunmayan yerdən keçmək istəyir. Bu zaman əmin olmaq üçün hətta avtomobillər gələn tərəfə də baxır. Amma son anda maşınların arası ilə hərəkət edən moped düz onun yanından keçir. Cəmi bir addım da atmış olsaydı ağır qəza baş verəcəkdi. 

Ümumiyyətlə, burada məsələyə iki aspektdən yanaşmaq olar. Əvvala piyadaların yolun təyin olumamış yerlərdən keçməsi yolverilməzdir. Bu istənilən halda təhlükəlidir. Eyni zamanda təəssüf ki, əsasən çatdırılma xidməti ilə məşğul olan moped sürücüləri tıxacda belə bu cür hərəkət edirlər. Nəticədə təhlükəli durum meydana çıxır. Videonu təqdim edirik:

Leyla