Biləcəridə bu piyada keçidinin önü hər gün bağlanır; yolu keçmək çətinləşir - VİDEO

Paytaxtın Binəqədi rayonu, Biləcəri qəsəbəsində dayanma-durma qaydalarını pozan sürücülər təhlükəyə səbəb olurlar.

Avtosfer.az xəbər verir ki, hadisə müxtəlif vaxtlarda səhər saatlarında Əhməd Qasımov küçəsində qeydə alınıb. Videonu izləyicilərdən biri redaksiyanın “WhatsApp” ünvanına göndərib.

Kadrlardan görünür ki, 90-UX-081 dövlət nömrə nişanlı “Volkswagen” və 90-US-677 nömrəli “Nissan” markalı avtomobillər piyada keçidinin yaxınlığında, 90-HB-447 nömrəli “Mercedes” markalı avtomobil isə birbaşa keçidin üzərində park edilib. Bu səbəbdən piyadalar yolu keçərkən yaxınlaşan nəqliyyat vasitələrini vaxtında görməkdə çətinlik çəkirlər. Nəticədə həm piyadalar, həm də sürücülər üçün qəza şəraiti yaranır.

Şikayətçi bildirir ki, sözügedən küçədə piyada keçidinin önü və üzəri hər gün müxtəlif markalı avtomobillər tərəfindən zəbt olunur.

Nərmin