Magistral yolda özünü ölümə atan xanım görün kimdir - VİDEO

Sürətli yolda özünü ölümə atan piyadanın videosu sosial şəbəkədə yayılıb. Avtosfer.az xəbər verir ki, yolu nəzərdən tutulmayan yerdən keçən xanım sosial şəbəkələrdə Elnur-Nərmin cütlüyü kimi tanınan şəxsdir. Hadisənin Şamaxı yolunda baş verildiyi bildirilir. Videogörüntüdən də aydın şəkildə görünür ki, Nərmin adlı həmin şəxs yolu nəzərdə tutulmayan yerdən keçərək özünü təhlükəyə atır. Bu videonu isə sosial şəbəkə hesabında paylaşaraq insanları güldürməyə çalışıb. Lakin bu, gülməli yox, ağlamalı bir haldır. Çünki Nərminin həyat yoldaşı olan Elnur əl və ayaqlarını itirib. Elnurun əmək qabiliyyətinin olmaması, görünür onun xanımına bir dərs olmayıb. Yolu nəzərdə tutulmayan yerdən keçən zaman istər piyadanın, istərsə də hansısa bir sürücünün ani səhvi faciəvi qəza ilə bitə bilər. Xanım yolun təhlükəli sahəsindən keçən zaman sürücülərdən biri idarəetməni itirib onu vursaydı, o da həyat yoldaşı kimi əlini-ayağını itirə bilərdi. İnsanlar düşünür ki, heç vaxt qəzaya düşməyəcəklər, onları maşın vura bilməz, ehtiyatı gözləyərək qaydanı pozanda heç bir hadisə ola bilməz. Lakin qəzaların baş verməsinin səbəbi də məhz bu düşüncənin nəticəsidir.

Fərid