Manevr qaydasından xəbərsiz sürücü qəza şəraiti yaratdı - VİDEO

Bakıda sürücünün qayda pozması qəza şəraiti ilə nəticələnib. Avtosfer.az xəbər verir ki, hadisə paytaxtın Mikayıl Əliyev küçəsində qeydə alınıb. 77-HX-852 qeydiyyat nişanlı “Opel” markalı avtomobilin sürücüsü dairəvi hərəkət təşkil edilmiş yolayrıcında manevr qaydasını pozub. O, dairəni sol zolaqdan tərk etdiyi üçün motosiklet sürücüsünə qəza şəraiti yaradıb.

Çox təəssüf ki, sürücülərin əksəriyyəti dairəni tərk etmə ilə bağlı qaydalardan xəbərsizdirlər. "Yol hərəkəti haqqında" qanunun 42-ci maddəsinə görə, dairəyə istənilən zolaqdan daxil olmaq olar, lakin dairəni yalnız sağ zolaqdan tərk etmək olar. Adi yolayrıclarında bir qayda olaraq sağa dönən sürücü sağ zolaqdan dönməli olduğu kimi, dairəni də tərk edərkən yalnız sağ zolaqdan tərk etmək məcburidir.

Qeyd edək ki, dairəni sol zolaqla tərk edən sürücü İnzibati Xətalar Məcəlləsinin 327.1-ci maddəsi ilə məsuliyyətə cəlb edilə bilər.

Leyla