Maşının arxasına ölüm şüarı yazan sürücülər SAXLANILDI - VİDEO

Son zamanlar avtomobilin arxa şüşələrinə yazdıqları şüarla insanlar arasında pis fikir formalaşdıran sürücülər saxlanılıb. Xəbər veridiyimiz kimi 99-VR-156 qeydiyyat nişanlı “Ford” markalı avtomobilin arxasına "Təhlükəli sürürsə, sən də sür" və 99-TZ-060 qeydiyyat nişanlı "Nissan Patrol" markalı avtomobilin arxa şüşəsinə "Sürətli sür, gənc öl, qoy cəsədin yaraşıqlı olsun!"- şüarı yazan sürücülər saxlanılaraq idarəyə dəvət olunub.

99-VR-156 qeydiyyat nişanlı “Ford” markalı avtomobilin sürücüsü Muradov Anar Sübhan oğlu arxa şüşəyə yazdığı yazının qanunazidd olduğunu öncədən bilməyib. O, yol polisi əməkdaşları tərəfindən saxlanılarkən həmin yazıları silib və sürücülərə səslənərək belə hərəkətlərə yol verməmələrini tövsiyə edib.

Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli Avtosfer.az-a açıqlamasında bildirib ki, yazdıqları şüarla insanları qanunsuzluq etməyə çağıran, qanunvericiliyin tələblərini pozan hər iki sürücü saxlanılaraq idarəyə dəvət olunub və onlar barəsində qanunamüvafiq qaydada tədbir görülüb.

Təbriz