Öz rahatlığını düşünən sürücü yolda hərəkəti məhdudlaşdırdı - "Zor edirəm" -VİDEO

Bakıda qaydanı pozan sürücü hərəkəti məhdudlaşdırıb. Avtosfer.az">Avtosfer.az xəbər verir ki, 10-KU-014 qeydiyyat nişanlı "Mitsubishi Pajero" markalı avtomobilin sürücüsü aprelin 23-ü paytaxtın Ceyhun Səlimov küçəsində orta zolaqdan geriyə manevr edən zaman hərəkəti məhdudlaşdırıb.
Görüntünü qeydə alıb redaksiyamıza göndərən sürücü iddia edir ki, həmin vaxt irad bildirərkən, o, "zor edirəm" deyərək özünü haqlı çıxarmağa çalışıb.

Yollarda bu cür sürücülərlə tez-tez rastlaşırıq. "Tələsirəm", "xəstəm var" kimi ifadələrlə öz rahatlıqlarını düşünüb qaydaları kobud şəkildə pozaraq digər sürücülərin ya yolunu kəsirlər, ya da onlara qəza şəraiti yaradırlar.
Etdiyi hərəkətə kənardan baxıb bir də belə səhvlərə yol verməyəcəyinə ümid edirik.
 

Fərid